Skoðanir enn skiptar

 Lagðar voru fram hugmyndir að breytingum á frumvarpinu um ríkisábyrgð vegna Icesave á óformlegum vinnufundi í fjárlaganefnd í dag, að sögn Guðbjarts Hannessonar, formanns nefndarinnar. Hann sagði að fundi loknum að skoðanir séu skiptar en fjárlaganefnd muni öll koma saman í fyrramálið. 

„Þingflokkarnir munu væntanlega ræða þessi mál að loknum fundi fjárlaganefndar á morgun, og þá munum við meta stöðuna upp á nýtt,“ sagði Guðbjartur. Hann sagðist ekki geta sagt til um það á þessu stigi hvort fyrirliggjandi hugmyndir breyti afstöðu einhverra þingmanna til frumvarpsins. Það eigi eftir að reyna á það.

„Við höfum varið miklum tíma í að ná utan um hvað við viljum sjá betur fara í frumvarpinu og það er ekki mikill ágreiningur um það. En það er áhgreiningur um í hvaða búning eigi að færa það, hvort það dugi að breyta frumvarpinu, hvort það þurfi að fara í einhverjar viðræður við aðila eða með öðrum hætti. Menn eru því að velta fyrir sér hvað sé skynsamlegast að gera í stöðunni,“ sagði Guðbjartur.

Fundur í fjárlaganefnd hefur verið boðaður klukkan 8:30 í fyrramálið, mánudag.

Guðbjartur Hannesson.

• 9 blogg um fréttina

Bloggað um fréttina

• Jakobína Ingunn Ólafsdóttir: Er sjálfstæð hugsun bönnuð í samfylkingunni: Þórdís Bára viðrar hugmyndafræði …
• Þórdís Bára Hannesdóttir: Er Steingrímur J. búinn að missa tökin í sínum eigin …
• Axel Þór Kolbeinsson: Börn Íslands mótmæla.
• Lilja Skaftadóttir: Að bíða.....
• Magnús Helgi Björgvinsson: Auglýsingar í blöðum í dag!
• Jóhann Elíasson: ENN Á AÐ REYNA ÞAÐ ÓMÖGULEGA!!!!!
• Jóhannes Ragnarsson: Óþverrabrækjan ólýsanlegri en orð fá lýst
• Vilhjálmur Árnason: The IMF scam in few words that simple people understand.
• Páll Vilhjálmsson: Dánarfregn Icesave-samninganna