Óttast íslenskan spekileka

Fjallað er um fólks­flutn­inga frá Íslandi á vef Deutsche Welle. Þar er sér­stak­lega rætt um svo­kallaðan spekileka, eða at­gervis­flótta (e. brain drain) í kjöl­far hruns­ins, þ.e. þegar vel menntað fólk fer í leit að tæki­fær­um í öðrum lönd­um. Haft er eft­ir Gylfa Magnús­syni viðskiptaráðherra að hann ótt­ist þessa þróun.

Í grein­inni er fjallað um það hvernig er­lendu vinnu­afli fjölgað hér mikið á þenslu­ár­un­um. Nú hafi flest­ir þeirra yf­ir­gefið landið í kjöl­far banka­hruns­ins. Marg­ir Íslend­ing­ar fylgi nú á eft­ir í leit að betri framtíð. Þeir vilji kom­ast hjá skatta­hækk­un­um og niður­skurði. Auk þess sem marg­ir ótt­ast aukið at­vinnu­leysi.

Greint er frá því að flest­ir haldi til Nor­egs, en bú­ist sé við því að um 1000 Íslend­ing­ar fari þangað fyr­ir árs­lok. Það sé mik­il blóðtaka fyr­ir litla þjóð. Meðal þeirra sem fari eru tækni- og sér­menntað fólk sem á góða mögu­leika á því að finna vinnu í öðru landi. 

Helm­ing­ur­inn flutt­ur til Nor­egs

Rætt er við Atla Stein Guðmunds­son, sem er 35 ára gam­all, sem ætl­ar ásamt unn­ustu sinni að flytja til Nor­egs eða Hol­lands um leið og hann hef­ur lokið MA-námi sínu við Há­skóla Íslands. Hann seg­ir að um helm­ing­ur vina sinna hafi þegar flutt til Nor­egs. Hinn helm­ing­ur­inn sé að íhuga málið.

Í grein­inni seg­ir að margt ungt vel menntað fólk hygg­ist stefna út í nám, t.d. til Bret­lands eða Banda­ríkj­anna, í stað þess að vera áfram í óviss­unni á Íslandi í vet­ur.

Lang­tíma­horf­ur á Íslandi góðar

Gylfi Magnús­son viðskiptaráðherra seg­ir þetta vera slæm­ar frétt­ir. Hann seg­ir að það sé mjög al­var­legt mál ef allt unga fólkið sem nú sé úti í námi muni ekki snúa aft­ur heim. Það sama eigi við ef það vel menntaða fólk sem sé hér á landi yf­ir­gefi það og komi ekki aft­ur.

Gylfi von­ast hins veg­ar til þess að flutn­ing­ur fólks úr landi verði hæg­ur. Hann bend­ir á að lang­tíma­horf­ur á Íslandi séu góðar. „Ríki um all­an heim eiga einnig í vanda, svo tæki­fær­in er­lend­is eru endi­lega ekk­ert það góð held­ur.“

Grein­in í heild.

• 17 blogg um frétt­ina

Bloggað um frétt­ina

• Dögg Páls­dótt­ir: Nýyrðasmíð
• Heim­ir Hilm­ars­son: Verk­efni rík­is­stjórn­ar!
• Vil­hjálm­ur Sveinn Björns­son: Hvernig væri að fara að gera eitt­hvað!!
• Johann Trast Palma­son: Ég Fór Til Nor­egs.
• Jón Aðal­steinn Jóns­son: Bölvað væl.
• Björn Hall­dór Björns­son: Tæki­færi
• Kon­ráð Ragn­ars­son: Ég er að fara(e.no brain),það hlít­ur að jafna út spekilek­ann(e.brain …
• Frjáls­hyggju­fé­lagið: Vont mál­far
• Páll Vil­hjálms­son: Hæfi­leik­ar sem æski­legt er að flýi land
• Guðrún María Óskars­dótt­ir.: HVAR er hvatn­ing sitj­andi stjórn­valda til al­menn­ings ?
• Ein­ar Guðjóns­son: 55 þúsund ís­lend­ing­ar þegar í út­lönd­um
• Jó­hann Ludwig Torfa­son: Hún fer ekki neitt þessi.
• Anna Sig­ríður Guðmunds­dótt­ir: Önnur lönd eru þó með virkt rétt­ar­kerfi!
• Erla Ein­ars­dótt­ir: Hinir hæf­ustu lifa af...
• Har­ald­ur Hans­son: Jó­hanna er "hættu­legt fólk"
• Þor­steinn Helgi Stein­ars­son: Aug­lýs­ing frá stjórn­völd­um?
• Jó­hann­es Guðna­son: Ekki kem­ur það manni á óvart,að fólkið flýji land Gylfi …