Þingfundur boðaður í dag

Búið er að boða þingfund á Alþingi klukkan 18 í dag þar sem dreifa á þingskjölum. Reikna má með því, að þar verði nefndarálitum vegna Icesave-frumvarpsins dreift en fjárlaganefnd náði samkomulagi um afgreiðslu málsins aðfaranótt laugardags.

Samkomulag þingflokka á Alþingi, sem náðist í gærkvöldi, gerir ráð fyrir því að 2. umræða um frumvarpið hefjist klukkan 9 í fyrramálið og henni ljúki fyrir helgi. 

Fjórir þingflokkar, Samfylking, VG, Sjálfstæðisflokkur og Borgarahreyfingin, náðu samkomulagi um sameiginlegar breytingartillögur við frumvarpið. Framsóknarflokkurinn á ekki aðild að því samkomulagi. 

• 2 blogg um fréttina

Bloggað um fréttina

• Haukur Nikulásson: 7 ár með höfuðið í sandinum eða taka skellinn strax?
• Þórkatla Snæbjörnsdóttir: Klækjabrögðin margvísleg.