Hestakerra valt við Kjalarnes

Hestakerra með hrossi í valt á veginum við Kjalarnes um hálftvöleytið í dag. Hesturinn komst út úr kerrunni og virtist að sögn lögreglu hafa sloppið ómeiddur. Mjög hvasst er nú víða á landinu og hafa vegfarendur verið varaðir við erfiðum akstursskilyrðum.

Tveir húsbílar hafa fokið út af veginum við Arnarstapa á Snæfellsnesi í dag. Bílarnir lentu báðir á hliðinni og virðast þeir töluvert skemmdir. Þrír erlendir ferðamenn voru í öðrum bílnum og tveir í hinum.

Mjög hvasst er nú á Snæfellsnesi og víða annars staðar á landinu og hafa vegfarendur verið varaðir við erfiðum akstursskilyrðum og beðnir um að halda hraðanum hæfilegum.  Á það sérstaklega við ökumenn húsbíla og ökutækja með aftanívagna.

• 1 blogg um fréttina

Bloggað um fréttina

• Ómar Ragnarsson: Hvað þarf að aðvara mikið og oft?