Hótunin strax tekin alvarlega

Rúmlega eittþúsund manns þurftu að yfirgefa Borgarholtsskóla í flýti í dag vegna sprengjuhótunar. Lögreglan hefur handtekið mann sem er grunaður um verknaðinn en engin sprengja fannst í skólanum.

Jón Benediktsson kennslustjóri í kvöldskóla segir að hótunin hafi strax verið tekin alvarlega enda séu atburðirnar í Finnlandi enn í fersku minni. Hann segist aldrei hafa orðið hræddur. Fólk sé ekki vant þessu hér en þetta sé kannski forsmekkur þess sem koma skal.

 Fjöldi manns var viðstaddur skólasetningu í dag en laust upp úr hádeg, sama dag  hringdi inn maður og sagði að rýma þurfti skólann annars gætu afleiðingarnar orðið skelfilegar.

Sigríður Pálsdóttir skrifstofumaður þurfti að hlaupa af stað á sokkaleistunum en ritarinn sem vinnur við hlið hennar tók upphaflega símann með hótuninni og vísaði honum áfram til aðstoðarskólastjórans.

Sprengjuleitarmenn leituðu af sér allan grun í skólanum en rýmingunni var ekki aflétt fyrr en tveimur klukkustundum eftir símtalið. Einn grunaður var handtekinn en sá er ekki nemandi í skólanum. Nemendur spáðu hinsvegar mikið í hver eða hverjir stæðu að baki hótuninni og hvaða ástæður gætu legið að baki. Þau grunuðu helst hvert annað. Úlfar Brynjar Viktorsson sem átti að hefja nám í skólanum í dag segir að sumir séu skróparar og nenni ekki að vera í skólanum. Vilji bara fá frí.

• 3 blogg um fréttina

Bloggað um fréttina

• Einhver Ágúst: Sterk skoðun
• Sigurður Gunnarsson: Grafalvarlegt.
• Þorsteinn H. Gunnarsson: Góður á sér jafnan góðs von