Ástandið getur breyst hratt til hins verra
Setja bókamerki
Lítil merki um efnahagshrunið sem reið yfir Ísland eru sjáanleg þegar gengið er um götur Reykjavíkur skrifar Robert Wade, prófessor við London School of Economics, í aðsendri grein sem birt er á vef Financial Times í kvöld.
Það geti hins vegar breyst á næstunni þegar ferðamennirnir halda heim, lánafrystingu lýkur og atvinnuleysi eykst á ný.
Wade, sem þekkir vel til Íslands, fer yfir fall bankanna síðastliðið haust og hve stór gjaldþrot þeirra eru á alþjóðlega mælikvarða í grein sem hann hefur ritað í FT.
Hann segir ríkisstjórn Samfylkingar og Vinstri grænna hafi farið hægt af stað eftir kosningarnar en nú hafi ræst þar úr. Meðal annars með Icesave-samkomulaginu, fjármögnun bankana og mögulegri lögsókn gegn þeim sem bera ábyrgð á hruninu.
En nú sé sumarið á enda og ýmislegt sem ber á milli í stjórnarsamstarfinu, til að mynda Evrópusambandsaðild.
Wade hvetur því íbúa í ríkjum Evrópu og Bandaríkjanna að njóta á meðan hægt er. Næg ástæða sé til þess að telja að ekki sé víst að góðærið endist. Það sé hægt að læra af Íslandi og þeim miklu breytingum sem urðu á högum Íslendinga á stuttum tíma.
Hluti bílastæðis undir hraun: Ómögulegt að meta tjón
Litlar líkur á að hraunið nái til mannvirkja
Myndir: Grindavíkurvegur aftur undir hraun
Fullvissa ferðamenn um að hér sé öruggt
Börn hafi engan rétt á leikskólakennslu
„Má segja að þetta gos hafi þjófstartað“