Tekur undir ummæli Lýðs um árásir í netheimum

Björn Bjarnason, fyrrverandi ráðherra, tekur undir gagnrýni stjórnarformanns Exista, Lýðs Guðmundssonar, á nafnlausar árásir í netheimum. En Lýður gerði bloggara að umtalsefni sínu í ræðu á aðalfundi Exista í morgun. Auk þess sem hann kom inn á sama mál í viðtali við Kastljós í kvöld.

Á fundinum í morgun sagðist Lýður ekki ætla að elta ólar við það samfélag hugleysingja sem stór hluti bloggheima virðist orðinn, að hans sögn. „Sóðakjaftur þeirra sem þar skýla sér undir dulnefnum á samt sinn þátt í því andrúmslofti sem daglega er kynt undir og því miður leika nokkrir oddvitar umræðunnar í netheimum þar talsvert hlutverk líka. Ég virði tjáningarfrelsi í landinu en ég fyrirlít margt það sem nafnlausir hugleysingjar senda daglega frá sér með bloggi sínu og orðbragði sem aldrei ætti að sjást eða heyrast," að sögn Lýðs Guðmundssonar.

Segir Björn á vef sínum að gagnrýni Lýðs sé bæði tímabær og réttmæt. „Þessar nafnlausu svívirðingar eru sama eðlis og árásir skemmdarvarga á eignir manna í skjóli myrkurs. Þeirra, sem skemma eignir er leitað, hinir, sem skemma mannorð manna, ærast séu þeir gagnrýndir," skrifar Björn á vef sinn í kvöld.

Vefur Björns Bjarnasonar

• 8 blogg um fréttina

Bloggað um fréttina

• Guðrún María Óskarsdóttir.: Upplýsingasamfélagið og þáttaka manna í því eða ekki.
• Páll Vilhjálmsson: Blogg: Öryggisventill eða aftökupallur?
• Haraldur Haraldsson: Tekur undir ummæli Lýðs um árásir í netheimum/já bara um …
• Hafsteinn Viðar Ásgeirsson: Hann má taka undir hvað sem hann langar hann Björn.
• Sigurður Jón Hreinsson: Andspyrnuhreifing gegn hernámi fjármálaaflanna ?
• Einar Þór Strand: Lýður er einmitt í þessum hóp.
• smg: Óþægilegt tjáningarfrelsi
• Óli Jóhann Kristjánsson: Það er erfit að sitja undir sanleikanum