Ráðherrar í Sementsverksmiðju

Svandís Svavarsdóttir umhverfisráðherra og Katrín Júlíusdóttir iðnaðarráðherra heimsóttu Sementsverksmiðjuna á Akranesi í dag.
Svandís sagði langt síðan að forsvarsmenn verksmiðjunnar óskuðu eftir heimsókninni.

Ráðherrarnir hittu starfsfólk og stjórnendur og skoðuðu fyrirtækið. „Við fórum í gegnum helstu áhyggjur þeirra af starfseminni. Það var mjög áhugavert að sjá íslenska framleiðslu sem er svona þróuð og stendur á svo traustum merg,“ sagði Svandís. „Vandi þeirra er samdrátturinn í byggingariðnaði og að eiga ekki aðkomu að öllum verkefnum sem stafar af samkeppnisumhverfinu.“

Svandís Svavarsdóttir mbl.is/Árni Sæberg