Önnur sprengjuhótun í Grafarvogi

Lögregla var kölluð út að verslun 10-11 við Langarima í Grafarvogi á ellefta tímanum í kvöld vegna sprengjuhótunar. Mun óþekktur maður hafa hringt í starfsfólk verslunarinnar og sagt því að sprengja væri fyrir utan.

Þegar lögregla kom á vettvang kom í ljós að fyrir utan verslunina voru tvær töskur og var önnur þeirra merkt „sprengja.“ Töluverður fjöldi unglinga var við verslunina á þessum tíma.

Leiddi rannsókn lögreglu í ljós að um gabb var að ræða. Skammt er síðan rýma þurfti Borgarholtsskóla í Grafarvogi eftir að sprengjuhótun var hringd inn. Var maður handtekinn vegna þess gabbs og játaði við yfirheyrslur.

• 6 blogg um fréttina

Bloggað um fréttina

• Drífa Kristjánsdóttir: Fréttaflutningur um hótanir og aðra andfélagslega hegðun, afleitur.
• Einar Guðjónsson: Jóhannesi í 10/11 hlýtur að vera brugðið.
• Ásgrímur Hartmannsson: Þetta verður mikið sport í kreppunni
• Stefán Friðrik Stefánsson: Fær fólk eitthvað kikk út úr sprengjuhótunum?
• Guðrún Emilía Guðnadóttir: Afleyðingar, eða hvað?
• Dofri Hermannsson: Allt á uppsprengdu verði