Framtaldar bankainnistæður tvöfölduðust

Sú skylda var í fyrsta skipti á síðasta ári lögð á fjármálastofnanir að veita skattyfirvöldum upplýsingar um innstæður og vaxtatekjur. Þetta hafði þær afleiðingar að í stað 265 milljarða bankainnstæðna, sem taldar voru fram í árslok 2007  voru taldar fram 635 milljarða innistæður í lok ársins 2008.

Fjármálaráðuneytið segir þetta sýna, að umtalsverð vanhöld hafi verið á framtöldum innstæðum og vaxtatekjum enda hafi Seðlabankinn talið, að innstæður heimilanna, sem hefðu átt að koma fram á framtölum þeirra í innlendum innlánsstofnunum hefðu numið 508 milljörðum króna í árslok 2007.

Þá segir fjármálaráðuneytið í vefriti sínu, að innistæður heimilanna og vaxtatekjur af þeim hafi meðal annars vaxið af því að eftir bankahrunið voru miklir fjármunir sem áður voru í peningamarkaðssjóðum færðir á bankareikninga. Vaxtatekjur hafi því einnig vaxið af þeim sökum.

Samkvæmt skattframtölum voru vaxtatekjur landsmanna tæpir 45 milljarðar árið 2007 en árið eftir voru þær 109 milljarðar króna.  

• 2 blogg um fréttina

Bloggað um fréttina

• Guðbjörn Jónsson: Varasamt að takar þessa tölur sem heilaga KÚ.
• Haukur Nikulásson: Einfalt að rannsaka hvernig þetta er tilkomið