Réttir fóru vel fram

Réttir voru á nokkrum stöðum í umdæmi lögreglunnar á Hvolsvelli um helgina og fór allt vel fram.  Réttardansleikur var á Kirkjubæjarklaustri í gærkvöldi en margt var um manninn og skemmtu allir sér konunglega, að sögn varðstjóra lögreglunnar.  Ekkert var um illdeilur eða slagsmál. 

Tveir menn voru handteknir og játuðu að hafa ætlað í sundlaugina á Kirkjubæjarklaustri.  Þeir höfðu farið inn í Íþróttahúsið og ætluðu að fara í sundlaugina en kerfi með upptöku er í lauginni.   Þeir lögðu á flótta og voru handteknir daginn eftir.  

Lögreglan á Hvolsvelli stóð 21 ökumann að of hröðum akstri í vikunni sem leið en sá sem hraðast ók var á 134 km hraða austan við Krikjubæjarklaustur.  Hann fékk 70 þúsund króna sekt og nýtti sér afsláttinn og greiddi á staðnum 52.500.- krónur. 

Frá áramótum hefur lögreglan á Hvolsvelli stöðvað 1.328 ökumenn fyrir að aka of hratt í umdæminu.  Alvarlegum slysum hefur fækkað stórlega í umdæminu frá því að lögreglan tók upp hert eftirlit með of hröðum akstri, að sögn varðstjóra lögreglunnar á Hvolsvelli. 

• 1 blogg um fréttina

Bloggað um fréttina

• Jóna Kolbrún Garðarsdóttir: Réttir fóru vel fram