Umferðarslysum fækkar í borginni

Umferðarslysum hefur fækkað um 29% fyrstu sjö mánuði ársins miðað við sama tímabil í fyrra. Þetta kemur fram í mánaðarskýrslu umferðardeildar lögreglunnar á höfuðborgarsvæðinu fyrir júlí.

Sambærilegar tölur frá tryggingafélögunum sýna 21% fækkun. Skráðum umferðaróhöppum fækkar á sama tíma um 54% milli ára. Segir lögreglan, að þá fækkun megi að hluta rekja til samkomulags tryggingafélaga og Neyðarlínu í endaðan júní 2008 um aðstoð á vettvangi til handa þeim er lenda í minniháttar umferðaróhöppum. Lögreglan hætti þá að mestu að sinna slíkum óhöppum og skrá. Tölur tryggingafélaga sýna á sama tíma 25% fækkun.

Umferðaróhöppum þar sem ölvun kemur við sögu fækkaði milli ára úr 111 árið 2008 í 86. Segir lögreglan, að það gefi vísbendingar um fækkun slíkra brota almennt. Óhöppum tengd fíkniefnaneyslu fjölgi hinsvegar úr 18 í 30 á sama tímabili. 

• 2 blogg um fréttina

Bloggað um fréttina

• Birgir Þór Bragason: Fleiri alvarlega slasaðir?
• Morten Lange: Minnkaði bílaumferð, lækkaði hraðinn ?