Engin viðbrögð enn vegna Icesave-fyrirvara
Setja bókamerki
„Ég fæ það ekki staðfest hér að formleg viðbrögð hafi borist,“ segir Einar Karl Haraldsson, upplýsingafulltrúi í forsætisráðuneytinu um viðbrögð Hollendinga og Breta vegna fyrirvara sem Alþingi gerði við ríkisábyrgð vegna Icesave-lánasamninganna.
Alþingi samþykkti frumvarp um ríkisábyrgð vegna Icesave-samninganna 28. ágúst, á síðasta starfsdegi sumarþings. Í kjölfarið voru Hollendingum og Bretum kynntir fyrirvararnir en engin formleg viðbrögð hafa borist enn.
Báðar þjóðir hafa síðan kallað eftir útskýringum á fyrirvörunum sem embættismenn í ráðuneytum hér heima hafa gefið. Engir formlegir fundir eru fyrirhugaðir með Bretum eða Hollendingum vegna fyrirvaranna, heldur er þess vænst að þjóðirnar fallist á þá, að fengnum frekari útskýringum.
Úr fjármálaráðuneytinu fengust þær upplýsingar að viðbrögðin bærust vonandi innan tíðar og að þau yrðu væntanlega kynnt um leið og þau bærust.
Ekki vandamál að vera karlmaður
Reiðubúin að aflýsa verkföllum í fjórum leikskólum
Pútín reynir allt til að forðast aðra herkvaðningu
Yfir 300 stæði fóru undir hraun
Hraun kemur úr þremur gígum: Virknin stöðug
Sjötti ferðamaðurinn er látinn
/frimg/1/53/8/1530849.jpg)
Fatlaður drengur fær ekki þjónustu í verkfalli
