Fáir telja forsetann sameiningartákn þjóðarinnar

Ólafur Ragnar Grímsson, forseti Íslands, var nefndur sem sameiningartákn þjóðarinnar af 1% þeirra sem tóku þátt í skoðanakönnun MMR nýverið. 72,1% telja sig ekki geta nefnt einstakling í samfélaginu sem sé eða geti orðið sameiningartákn fyrir íslensku þjóðina.

MMR kannaði hvort fólk gæti nefnt einhvern einstakling í samfélaginu sem væri eða gæti orðið sameiningartákn fyrir íslensku þjóðina. Af þeim sem nefndir voru fengu flestar tilnefningar þau Vigdís Finnbogadóttir, fyrrverandi forseti Íslands (4,5%) og Davíð Oddsson, fyrrverandi ráðherra og seðlabankastjóri (3,8%).

Þar á eftir komu þau Steingrímur J. Sigfússon, fjármálaráðherra, og Jóhanna Sigurðardóttir, forsætisráðherra, en ríflega 2% svarenda nefndu annað hvort þeirra. Þá nefndu rétt um 1% svarenda þá Sigmund Davíð Gunnlaugsson, formann Framsóknarflokksins og Ólaf Ragnar Grímsson, forseta Íslands. Aðrir voru nefndir af færri en 1% svarenda.

Rétt er að árétta að spurningin sem lögð var fyrir, tók hvorki tillit til þess hvort fólk styddi eða treysti einstaklingum sem nefndir voru, heldur eingöngu hvort fólk teldi að þeir væru eða gætu orðið sameiningartákn fyrir íslensku þjóðina, að því er segir í tilkynningu frá MMR.

Könnunin í heild

• 12 blogg um fréttina

Bloggað um fréttina

• Jakobína Ingunn Ólafsdóttir: Enda eru þau búin að gera þjóðina að öreigum
• Gunnar Th. Gunnarsson: Hann hefur skemmt embættið
• Gísli Foster Hjartarson: Spurning um að nota tækifærið...
• Sigursveinn : Bóndann burt
• Svanur Gísli Þorkelsson: Heimskulega spurt
• Héðinn Björnsson: Sameiningartákn?
• Henning Árni Jóhannsson: Vigdís Finnbogadóttir
• Heimir Lárusson Fjeldsted: Kemur ekki á óvart
• Sigurður Jónsson: Risagjá milli Ólafs Ragnars forseta og þjóðarinnar.
• Jón Snæbjörnsson: Ekki hissa á þessari niðurstöðu
• Egill Jón Kristjánsson: Er mjög hissa á þessari niðurstöðu.
• Stefán Friðrik Stefánsson: Forsetinn er algjörlega rúinn trausti