Ræða minnkað vægi verðtryggingar

„Það seg­ir í sam­starfs­yf­ir­lýs­ingu rík­is­stjórn­ar­inn­ar að skoða skuli leiðir til að draga úr vægi verðtrygg­ing­ar­inn­ar og Seðlabank­inn er eitt­hvað byrjaður að skoða það. Þeir munu kynna nefnd­inni sjón­ar­mið bank­ans í þess­um efn­um á morg­un,“ seg­ir Helgi Hjörv­ar, formaður efna­hags- og skatta­nefnd­ar Alþing­is. Nefnd­in þing­ar á morg­un um skulda­vanda heim­il­anna og verðtrygg­ingu og fær full­trúa Seðlabank­ans á sinn fund.

Í sam­starfs­yf­ir­lýs­ingu rík­is­stjórn­ar Sam­fylk­ing­ar­inn­ar og vinstri hreyf­ing­ar­inn­ar græns fram­boðs seg­ir m.a. að dregið verði úr vægi verðtrygg­ing­ar í lánaviðskipt­um, sam­hliða auknu fram­boði óverðtryggðra íbúðalána. Þá seg­ir að óskað verði eft­ir mati Seðlabank­ans á því hvernig best verði dregið úr vægi verðtrygg­ing­ar í ís­lensku efna­hags­lífi.

„Verðtrygg­ing­in hef­ur verið mjög um­deild í þau 30 ár sem hún hef­ur verið við lýði. Ég ætla nú ekki að fara að boða til­lög­ur um af­nám henn­ar hér og nú en það er tíma­bært að hefja ein­hverja um­fjöll­un þar um,“ seg­ir Helgi Hjörv­ar, formaður efna­hags- og skatta­nefnd­ar.

Hann seg­ir að Seðlabank­inn hafi unnið tölu­vert í því að greina skulda­vanda heim­il­anna. Efna­hags- og skatta­nefnd muni fara yfir mat bank­ans á stöðunni og þeim mögu­leik­um sem uppi eru til að taka á vand­an­um. Þá seg­ir Helgi að unnið sé að til­lög­um til úr­lausn­ar á vett­vangi rík­is­stjórn­ar­inn­ar og von­andi komi til­lög­ur til kasta Alþing­is strax í þing­byrj­un í októ­ber.

• 8 blogg um frétt­ina

Bloggað um frétt­ina

• Árel­íus Örn Þórðar­son: Breiðubök­in? Millistétta­fólk skal blæða út og þeir eiga að borga …
• Reyn­ir Jó­hann­es­son: Næst á dag­skrá: skulda­mál heim­il­anna!
• Hilm­ar Heiðar Ei­ríks­son: Ræða um og ræða um en ekk­ert ger­ist.
• Vil­hjálm­ur Árna­son: Tala tala tala.
• Axel Jó­hann Ax­els­son: Rugl að af­nema vísi­tölu­teng­ingu lána
• Bragi Sig­urður Guðmunds­son: Að taka hraðamæl­inn úr sam­bandi.
• Ragn­ar S Magnús­son: Svik
• Guðrún María Óskars­dótt­ir.: Burt með verðtrygg­ing­una.