Barnshafandi í gæsluvarðhaldi

Síðastliðið laugardagskvöld stöðvaði tollgæsla í Flugstöð Leifs Eiríkssonar konu við komu frá Kaupmannahöfn. Konan, sem er um þrítugt frá Litháen, reyndist vera með um 850 grömm af amfetamíni í niðursuðudósum. Konan, sem er barnshafandi, hefur verið úrskurðuð í gæsluvarðhald til 25. september.

Síðastliðið sunnudagskvöld stöðvaði tollgæsla í flugstöð Leifs Eiríkssonar karlmann frá Litháen, vegna gruns um að bera fíkniefni innvortis. Við röntgenskoðun sást nokkurt magn belglaga aðskotahluta í meltingarvegi hans. Ekki er ennþá ljóst hvaða efni það er eða hversu mikið. Hann var úrskurðaður í gæsluvarðhald til 28 september.

Bæði málin eru til rannsóknar hjá lögreglunni á Suðurnesjum, en ekki liggur fyrir hvort tengsl eru á milli þeirra.

• 2 blogg um fréttina

Bloggað um fréttina

• Börkur Hrólfsson: Barnshafandi !!!
• brahim: Barnshafandi dópsmyglari