Innlent | mbl | 17.9.2009 | 10:05

Kanna nýja stórskipahöfn í Eyjum

Nýja líkanið af Eiðinu og hafnarlæginu er að taka á sig mynd. Siglingastofnun

Siglingastofnun er nú að smíða nýtt hafnarlíkan til að kanna möguleikana á nýrri stórskipahöfn í Vestmannaeyjum, nánar tiltekið á norðanverðu Eiðinu. Líkanið er smíðað í húsnæði Siglingastofnunar í Vesturvör. Gert er ráð fyrir niðurstöðum eftir fáeina mánuði.

Í frétt af líkaninu á heimasíðu Siglingastofnunar segir að meðal verkefna stofnunarinnar sé gerð líkantilrauna á mögulegum hafnarframkvæmdum.

„Markmið tilrauna þessara er að útfæra sem bestar lausnir í stórum verkefnum um byggingu hafna og varnargarða áður en ákvarðanir eru teknar um framkvæmdir. Reynslan af líkangerðinni hefur verið afar góð og niðurstöður nær raunveruleikanum en til dæmis tölvuspár.“