Þingmaður bloggar um ríkisskattstjóra

Ólína Þorvarðardóttir, þingmaður Samfylkingarinnar, segir á bloggvef sínum að framganga ríkisskattstjóra gagnvart forráðamanni IT ráðgjafar og hugbúnaðarþjónustunnar ehf. veki með henni ugg í brjósti.

„Að ríkisskattstjóri skulu á opinberum vettvangi viðra "grunsemdir" sem hann hefur um "upplýsingastuld" gagnvart nafngreindum einstaklingi, er umhugsunarefni. Sérstaklega í ljósi þess að tengslanetið sem Jón Jósef Bjarnason er að vinna hefur að geyma upplýsingar sem tvímælalaust hljóta að koma almenningi við og vera til mikils gagns fyrir þá sem rannsaka hagsmuna- og krosseignatengslin á íslenskum fjármálamarkaði.

Ekki hefur neitt komið fram í fjölmiðlum sem bendir til þess að þarna sé verið að miðla upplýsingum sem eigi að fara leynt að lögum. Þvert á móti," að því er fram kemur á bloggi Ólínu.

Sjá nánar

• 1 blogg um fréttina

Bloggað um fréttina

• Halldór Halldórsson: Það þarf samt leyfi!