Ríkisráðsfundur á Bessastöðum

Ríkisráð Íslands, sem samanstendur af forseta lýðveldisins, Ólafi Ragnari Grímssyni, og ríkisstjórn Íslands, kom saman á Bessastöðum klukkan ellefu.

Um er að ræða hefðbundinn fund sem haldinn er á milli þinga. Herma heimildir að ekki sé á döfinni að gera mannabreytingar í ríkisstjórninni, heldur eigi að fara yfir og staðfesta lög sem samþykkt hafi verið á sumarþinginu.