Ríkisskattstjóri veitir aðgang

Ríkisskattstjóri hefur sent frá sér tilkynningu þar sem hann segir ekkert því til fyrirstöðu að forráðamaður IT ráðgjafar og hugbúnaðarþjónustu fái aðgang að gagnagrunni fyrirtækjaskrár, í ljósi úrskurðar Persónuverndar.

Í tilkynningunni segir: „Að undanförnu hefur verið til umfjöllunar á opinberum vettvangi ósk forráðamanns IT Ráðgjafar- og hugbúnaðarþjónustu ehf. um að fá aðgang að gagnagrunni fyrirtækjaskrár. Ríkisskattstjóri taldi nauðsynlegt m.t.t. eðli gagnagrunnsins og fyrirhugaðar starfsemi, að afstaða Persónuverndar þyrfti að liggja fyrir.

Nú þegar afstaða Persónuverndar er ljós ætti ekkert að vera því til fyrirstöðu að forráðamaður hlutaðeigandi félags fái umbeðinn aðgang að uppfylltum viðeigandi öryggis- og formkröfum. Reiknað er með að unnt verði að ganga frá því á næstu dögum og skráin þá gerð aðgengileg.

Þá vill ríkisskattstjóri taka fram að öll verkfæri sem nýst geta eftirlitsaðilum og þar með skattyfirvöldum til að auðvelda störf þeirra og jafnframt við að stuðla að gagnsæi í viðskiptum og til að upplýsa um krosseignatengsl, eru mikils virði."

• 6 blogg um fréttina

Bloggað um fréttina

• Jakob Falur Kristinsson: Ríkisskattstjóri
• Skaz: Farinn að sjá gegnum persónulegar deilur?
• Jón Sævar Jónsson: Afsökunarbeiðni
• Þráinn Jökull Elísson: Skipast veður í lofti...
• Jón Aðalsteinn Jónsson: Gæti verið.
• Hólmfríður Bjarnadóttir: IT ráðgjöf komin með aðgang að gagnagrunn Fyrirtækjaskrá