Sér ekki flöt á bráðabirgðalögum
Setja bókamerki
Gylfi Magnússon, viðskiptaráðherra, segist ekki sjá neinn flöt á setningu bráðabirgðalaga til að mæta óskum Hollendinga og Breta og afgreiða þannig Icesave-málið. Hann segir ríkisstjórnina vera fara yfir hvort Alþingi þurfi að fjalla um málið að nýju eða hvort rúm fyrir óskir þjóðanna sé í lögunum um ríkisábyrgðina.
Gylfi var eini ráðherra ríkisstjórnarinnar sem gaf sér meira en augnablik til að ræða við fjölmiðla. Oddvitar stjórnarflokkanna héldu þegar á annan fund og aðrir ráðherrar þutu skjótt framhjá fjölmiðlamönnum og báru við miklu annríki.
Spurður um hvort dagsetning sé komin á lok Icesave-málsins sagðist Gylfi ekki geta sagt til um það, það verði hins vegar að gerast „alveg á næstunni". Hann sagði ekki mikið bera á milli en það þurfi að koma í ljós hvort nái í saman með þjóðunum. „Ég vona það og trúi því," sagði Gylfi.
Alþjóðagjaldeyrissjóðurinn hefur ekki enn sett efnahagsáætlun Íslands á dagskrá og óvíst hvenær málefni landsins verða tekin fyrir. Viðskiptaráðherrann telur það ekki verða í þessum mánuði enda mun væntanlegur ársfundur AGS tefja önnur mál. Hann telur líklegt að sjóðurinn taki Ísland á dagskrá í næsta mánuði.
„Má segja að þetta gos hafi þjófstartað“
Litlar líkur á að hraunið nái til mannvirkja
Hluti bílastæðis undir hraun: Ómögulegt að meta tjón
Hótar Bretum og Bandaríkjamönnum
„Erum í miðri hrinu“: Styttist í Eldvörp
Virknin dregist saman um 600 metra
Drónamyndskeið frá hápunkti gossins í nótt