Stilla saman strengi

„Við vildum hittast og stilla saman strengi og fara yfir það sem er framundan í haust. Ég á von á að aðalmálið verði skuldamál heimilanna og það sem undir er í fjárlagafrumvarpinu,“ segir Steinunn Valdís Óskarsdóttir, varaformaður þingflokks Samfylkingarinnar en stjórnarflokkarnir halda sameiginlegan þingflokksfund kl. 16.

Steinunn Valdís segir að farið verði yfir stöðuna í þessum stóru málaflokkum en niðurstaða liggi ekki fyrir. Þingmenn muni skiptast á skoðunum á þessum fundi, sem haldinn verður á Nordica hótelinu. „Ég lít svo á að þetta séu ný vinnubrögð og það er eingöngu jákvætt að þessir tveir flokkar haldi sameiginlega þingflokksfundi,“ segir hún.

Stjórnarflokkarnir hafa ekki efnt til sameiginlegs þingflokksfundar áður og slíkt var aldrei gert í stjórnartíð Sjálfstæðisflokks og Samfylkingarinnar.

• 5 blogg um fréttina

Bloggað um fréttina

• Ólína Kjerúlf Þorvarðardóttir: Sameiginlegur þingflokksfundur öðru sinni
• Axel Pétur Axelsson: Þeir hafa þá verið rammfalskir ?
• Jakobína Ingunn Ólafsdóttir: Ætlar Steinunn Valdís að skila 4 milljónunum sem Björgólfur gaf …
• Jónas Gunnar Einarsson: Skána þá ekki sjálfkrafa forsöngvarar kór og hljómsveit?
• Bergur Thorberg: Þingmaður vill stilla saman strengi. En hvað það er fallegt …