Góður fundur um Bakkaálver

Sveitarstjóri Norðurþings segir að fundur hans og iðnaðarráðherra í kvöld hafi verið afar jákvæður en fundurinn var haldinn vegna þess að viljayfirlýsing ríkisins, Alcoa og Norðurþings um að kanna möguleika á byggingu álvers á Bakka rennur út 1. október.

Bergur Elías Ágústsson, svetirstjóri, og Gunnlaugur Stefánsson, forseti sveitarstjórnar Norðurþings, hittu Katrínu Júlíusdóttur, iðnaðarráðherra, í kvöld. Bergur Elías sagði við Morgunblaðið eftir fundinn, að hann væri viss um að farsæl lausn myndi finnast á málinu. 

Meirihlutu sveitarstjórnar Norðurþings hefur ályktað, að vinna eigi að framlengingu viljayfirlýsingarinnar. Í því felist að rannsóknarboranir á Þeistareykjum verði kláraðar, orkumagn og afhendingartími staðfestur og ákvörðun um byggingu stóriðju tekin.

Bergur Elías sagði eftir fundinn með ráðherra í kvöld að unnið verði áfram að málinu á næstu dögum og að Katrín hefði verið mjög jákvæð.  „Við eigum náttúrulega sameiginleg markmið að nýta þessa orku þarna í þágu Norður- og Norðausturlands og það verður gert."

Kort sem sýnir hvar rætt er um að reisa álver við Bakka.

• 10 blogg um fréttina

Bloggað um fréttina

• Ómar Ragnarsson: Góð fyrirsögn fyrir álver á Bakka.
• Óðinn Þórisson: Álvar á Bakka
• Hörður B Hjartarson: Drífum í þessu ,
• Árelíus Örn Þórðarson: Auðvitað þurfum við að virkja og bæta við stóriðju.
• GRÆNA LOPPAN: 1. apríl
• Jón Ingi Cæsarsson: Samfylkingin í NA kjördæmi styður málstaðinn.
• Einar Guðjónsson: Niðurgreiddur álversrekstur ekki það sem þarf
• Haraldur Haraldsson: Góður fundur um Bakkaálver/Sveitstjóri Norðurþings spyr ????
• Gísli Foster Hjartarson: Bergur Elías!!!
• Benedikt V. Warén: Að gera eitthvað annað....