Handverkfærum og tölvum stolið

Innbrot var framið í Breiðholti í nótt en þar var stolið handverkfærum.  Laust eftir klukkan 23:00 í gærkvöldi var brotist inn í verslun í Kauptúni í Garðabæ og stolið tölvubúnaði, samkvæmt upplýsingum lögreglu höfuðborgarsvæðisins.

Bílvelta varð á gatnamótum Hafnarfjarðarvegar /Fjarðarhrauns (Engidalur) laust fyrir 01:00 í nótt en engin slys urðu á fólki.  Bifreiðin var dregin af vettvangi með dráttarbifreið.  Ekki er ljóst hvað olli slysinu.

Einn ökumaður var stöðvaður í miðborg Reykjavíkur en hann er grunaður um að hafa ekið undir áhrifum áfengis.  Ökumaður var sviptur ökuréttindum að sýnatöku lokinni.

Þá logaði eldur í bifreið í Ármúla um klukkan 02:00 í nótt og er hún ónýt eftir. Að öðru leyti var nokkuð róleg í nótt, að sögn lögreglunnar.

• 1 blogg um fréttina

Bloggað um fréttina

• Jakob Falur Kristinsson: Innbrot