Skilja ekki ákvörðun ráðherra

Ágúst Hafberg, framkvæmdastjóri viðskipta- og þróunarsviðs Norðuráls, segir stjórnendur félagsins ekki skilja ákvörðun umhverfisráðherra um að fella úr gildi ákvörðun Skipulagsstofnunar um að ekki skuli fara fram sameiginlegt mat á umhverfisáhrifum framkvæmda vegna Suðvesturlínu. Þetta geti tafið framkvæmdir við álver í Helguvík en Norðurál hefur þegar lagt hátt í fimmtán milljarða í verkefnið.

Hann segir að Norðurál hafi undir höndum úrskurð fyrri umhverfisráðherra, Þórunnar Sveinbjarnardóttur, frá því í apríl í fyrra, þar sem fram komi að ekki þurfi að fara í sameiginlegt mat. „Við erum búnir að framkvæma fyrir hátt í fimmtán milljarða á grundvelli þess úrskurðar þannig að við skiljum hreinlega ekki þennan úrskurð," sagði Ágúst í samtali við mbl.is.

Ágúst segir að stjórnendur Norðuráls muni fara yfir þessa ákvörðun umhverfisráðherra og fá nánari skýringar. Fyrr geti fyrirtækið ekki tjáð sig um framhaldið. 

Upplýsingar um fyrirhugað álver í Helguvík

Yfirlitsmynd af fyrirhuguðu álveri Norðuráls í Hegluvík

• 8 blogg um fréttina

Bloggað um fréttina

• Sigurður Jónsson: Vilja Vinstri grænir ekki uppbyggingu?
• Njörður Helgason: Flengja hana.
• Sigurjón Benediktsson: Svona er að vera þolendur öfga, hroka og heimsku..
• Gunnar Th. Gunnarsson: Afturhaldskommatittir
• Egill Jón Kristjánsson: Efast stórlega að heilbrigðisvottor VG sé í lagi.
• Óðinn Þórisson: VG tefur endurreisnina
• Stefán Lárus Pálsson: Hver skilur V- græna?
• Haraldur Haraldsson: Skilja ekki ákvörðun ráðherra/Þetta var hennar von og vísa!!!!!!!!