Jóhanna Sigurðardóttir, forsætisráðherra, sagði í dag að hún hefði ekki setið neina  átakafundi um Icesave-málið í gærkvöldi. Jóhanna sagði að málið yrði áfram rætt í ríkisstjórninni og innan stjórnarflokkanna en í gær sagði hún að botn verði að fá í það í þessari viku.

Jóhanna ræddi stuttlega við blaðamenn eftir að hafa tekið við bleiku slaufunni úr hendi fulltrúa Krabbameinsfélags Íslands.

Jóhanna sagði eftir ríkisstjórnarfund í gær, að nauðsynlegt væri að ríkisstjórnin og stjórnarflokkarnir treysti sér til þess að fara með málið fyrir Alþingi í þeim búningi sem þau séu sátt við með fyrirvara um samþykki þingsins.  Myndi stjórnarflokkarnir ekki meirihluta fyrir málinu þurfi að skoða breytta stöðu.

Óánægja var innan Vinstrihreyfingarinnar-græns framboðs með Icesave-samkomulagið og lýsti Ögmundur Jónasson, heilbrigðisráðherra, yfir miklum efasemdum um það. Hann greiddi þó á endanum atkvæði með frumvarpi um ríkisábyrgð vegna samningsins eftir að fyrirvarar höfðu verið settir við.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir

• 1 blogg um fréttina

Bloggað um fréttina

• Ólafur Tryggvason Þorsteinsson: Loksins talar þetta fólk