Íslendingar ekki við borðið

Íslendingar verða aðeins áheyrnarfulltrúar á fundi um heildarstjórn á makrílveiðum í lok þessa mánaðar. Hrefna M. Karlsdóttir, skrifstofustjóri á alþjóðaskrifstofu sjávarútvegsráðuneytis, sagði í gær að þessu hefði verið mótmælt.

Ítrekuð hefði verið krafan um að ESB, Noregur og Færeyjar viðurkenni strandríkjarétt Íslands að makrílstofninum og þar með aðkomu að samningaborði þar sem ákvarðanir verða teknar um makrílveiðar næsta árs. Í fyrra veiddu íslensk skip 112 þúsund tonn af makríl í íslenskri lögsögu. Á þessu ári er aflinn orðinn 116 þúsund tonn.