Þingflokkur VG fundar í kvöld

Þingflokkur Vinstrihreyfingarinnar - græns framboðs kemur saman til fundar kl. 21 í kvöld. Á fundinum mun Steingrímur J. Sigfússon, formaður flokksins, gera grein fyrir umræðum sem hann átti á ársfundi Alþjóðagjaldeyissjóðsins í Tyrklandi um Icesave og efnahagsáætlun sjóðsins. Einnig verður rætt um ríkisstjórnarsamstarfið.

Óánægja er innan þingflokks VG með hvernig ríkisstjórnin hefur haldið á Icesave-málinu, en ágreiningurinn varð til þess að Ögmundur Jónasson sagði af sér embætti heilbrigðisráðherra. Guðfríður Lilja Grétarsdóttir, þingflokksformaður, gagnrýndi harðlega hvernig staðið hefur verið á málum í Silfri-Egils um helgina.

Össur Skarphéðinsson utanríkisráðherra sagði eftir ríkisstjórnarfund í gær að ljóst væri að Icesave-deilan ylli erfiðleikum í stjórnarsamstarfinu. Össur og Katrín Jakobsdóttir, varaformaður VG, komu sér undan því svara þegar þau voru spurð eftir fundinn, hvort ríkisstjórnin myndi standa af sér þann ágreining sem væri um þetta mál.

Reglulegum þingflokksfundi VG sem vera átti á mánudag var aflýst.

• 5 blogg um fréttina

Bloggað um fréttina

• Anna Sigríður Guðmundsdóttir: Kanski sterk spillingaröfl á Íslandi sé aðalvandinn?
• Haukur Baukur: Öfunda ekki Steingrím
• Sigurður Jónsson: Þingmenn Vinstri grænna.Styðjum ríkisstjórnina en erum samt á móti henni.
• Rafn Gíslason: Nú reynir á samstöðuna.
• Páll Vilhjálmsson: Val Steingríms J. er fallin stjórn eða klofinn flokkur