„Nú þarf að velja rétt“

„Barátta fyrir alþjóðavæddu atvinnulífi og samvinnu við nágrannaríki er hin nýja stéttabarátta vorra tíma – barátta okkar fyrir öruggri lífsafkomu, áhrifum og jafnrétti,“ sagði Árni Páll Árnason félagsmálaráðherra er hann ávarpaði þing Starfsgreinasambandsins í morgun.

Árni Páll fór yfir stöðuna í efnahagsmálum og þeim vandamálum sem þjóðin stendur frammi fyrir

„Við stöndum á tímamótum. Í efnahagslífi okkar í dag erum við að fást við efnahagslegt ójafnvægi sem stafar fyrst og fremst af því að innviðir samfélagsins – og þá sérstaklega gjaldmiðillinn – eru ekki nógu sterkir til að bera alþjóðavæðingu hluta efnahagslífsins. Bankakerfið og viðskiptalífið reyndist of opið og of stórt fyrir þennan litla gjaldmiðil.

Á þessum tímamótum stöndum við frammi fyrir vali um tvenns konar lausnir. Ætlum við að skella í lás og loka landinu? Eða ætlum við að bæta úr ágöllunum, styrkja innviðina og sækja fram á ný? Nú þarf að velja rétt,“ sagði Árni Páll.

Ræðuna í heild sinni má lesa hér.

• 3 blogg um fréttina

Bloggað um fréttina

• Andri Geir Arinbjarnarson: Nei Árni, nú þarf nýtt fólk
• Axel Jóhann Axelsson: Alþjóðavæðing Samfylkingarinnar
• Tryggvi Þórarinsson: Rétt Árni en ég vil velja sjálfstæði landsins, ekki þú.