„Tilraunin mistókst“ með herfilegum afleiðingum

Kristján Gunnarsson, formaður Starfsgreinasambandsins, segir að frjálshyggjutilraun síðustu tveggja áratuga hafi fengið sinn dóm. „Hún mistókst svo herfilega að íslensk þjóð verður áratugi að jafna sig á eftir,“ sagði Kristján þegar hann setti þing SGS í morgun. Hann hefur einnig ákveðið að gefa áfram kost á sér til formennsku í SGS.

Hann sagði jafnframt að nú þyrfti þjóðstjórn, en ekki þjóðstjórn stjórnmálaflokkanna. „Hið eina rétta þjóðstjórnarmynstur að mínu viti, er að ríkisstjórn á hverjum tíma vinni náið með samtökum launafólks, sveitarfélögum og samtökum atvinnurekenda að því að skapa forsendur til framfara og uppbyggingar,“ kemur á vef SGS.

Hann segist hafa fundið fyrir miklum stuðningi við að hann gefi áfram kost á sér sem formaður SGS, þrátt fyrir fyrri yfirlýsingar.

„Svona hvatning frá nánasta samstarfsfólki lætur engan ósnortinn. Hún – og sú staðreynd að ég teldi það ábyrgðarlaust að stíga af skútunni við þær aðstæður sem við blasa – eru helstu ástæður þess að ég hef ákveðið að gefa áfram kost á mér til formennsku í Starfsgreinasambandinu,“ segir Kristján.

Ræða Kristjáns í heild er hér.

• 9 blogg um fréttina

Bloggað um fréttina

• Axel Jóhann Axelsson: Útskýring Kristjáns mistókst
• Haraldur Haraldsson: Tilraunin mistókst með herfilegum afleiðingum///starfsgreinsambandið óþarft að mínu mati!!!
• Andri Geir Arinbjarnarson: Einstaklingar brugðust ekki hugmyndafræðin
• Gunnar Th. Gunnarsson: Lýðskrum fyrir einfeldninga
• Geir Ágústsson: Ríkisábyrgð hér, ríkisábyrgð þar
• Aliber: Hvaða frjálshyggja?
• Guðni Karl Harðarson: Peninga - skulda - málastefna eða stefna fólksins?
• Frjálshyggjufélagið: Veður í villu og svíma
• Jón Ingi Cæsarsson: Og nú gala þingmenn flokkanna sem eiga málið.