Hreyfing á Icesave

Steingrímur J. Sigfússon, fjármálaráðherra, sagði eftir ríkisstjórnarfund í morgun vonast til að á allra næstu dögum komi í ljós hvort ásættanleg niðurstaða sé í sjónmáli vegna Icesave-málsins. Hann segir hreyfingu á hlutunum og samskipti milli íslenskra stjórnvalda og Hollendinga og Breta í framhaldi af fundum í Tyrklandi.

Steingrímur sagðist ekki geta dagsett hvenær nýtt frumvarp um Icesave verði lagt fyrir Alþingi. „En að því tilskyldu að sú ásættanlega og frambærilega niðurstaða fáist sem við erum að berjast fyrir þá mun það gerast í beinu framhaldi," sagði hann.

• 2 blogg um fréttina

Bloggað um fréttina

• Benedikta E: Hafðu engar áhyggjur Steingrímur - 23.október er gjaldagi á tryggingarsjóðsgreiðslunni!
• Haraldur Haraldsson: Hreyfing á Icesave/sagan endalausa!!!!!!