Gylfi: Ánægja með lausn

Gylfi Magnús­son viðskiptaráðherra seg­ir að end­ur­reisn bank­anna muni ljúka á næstu dög­um og vik­um. Í þess­ari viku muni kom­ast á hreint hverj­ir muni eign­ast Íslands­banka og lok októ­ber komi í ljós hverj­ir muni eign­ast Kaupþing. „Það ligg­ur líka fyr­ir hvernig gengið verður frá skil­un­um á milli gamla og nýja Lands­bank­ans,“ sagði Gylfi að lokn­um rík­is­stjórn­ar­fundi fyr­ir há­degi í dag.

Hann seg­ir að mál­in séu að kom­ast á loka­stig en rétt sé að hafa fyr­ir­vara á mál­um. „Það er ekki búið að taka ákvörðun um Íslands­banka og Kaupþing, en skila­nefnd­irn­ar gera það núna al­veg á næst­unni.“

Spurður hvers vegna hjól­in fóru að snú­ast hraðar síðustu daga seg­ir Gylfi: „Það má al­veg eins spyrja: „Af hverju tók þetta svona lang­an tíma?“ Þetta tók aðeins lengri tíma held­ur en að var stefnt. En núna er þetta að leys­ast og ég held að all­ir geti verið ánægðir með það,“ seg­ir ráðherra, málið hafi taf­ist af ýms­um ástæðum.

Gylfi tek­ur fram að það sé grund­vall­armun­ur á þeirri niður­stöðu sem nú stefni í og þeirri sem lagt hafi verið upp með fyr­ir um ári síðan. Þá hafi hug­mynd­in verið að ríkið myndi eign­ast alla bank­ana að fullu. Nú sé allt út­lit fyr­ir að ríkið eign­ist Lands­bank­ann - mögu­lega að fullu eða eitt­hvað minna en það. Og að ríkið muni eiga mjög lít­inn hluta í Íslands­banka og Kaupþingi. „Ég tel það vera mjög til bóta.“

• 9 blogg um frétt­ina

Bloggað um frétt­ina

• Har­ald­ur Har­alds­son: Gylfi: Ánægja með lausn/​við þurf­um að skoða þetta bet­ur !!!!!
• Jakobína Ing­unn Ólafs­dótt­ir: Kostnaður­inn 1.200 millj­arðar
• Gísli Foster Hjart­ar­son: Það skyldi þó ekki vera...
• Jón Ingi Cæs­ars­son: End­ur­reisn að kom­ast á skrið þrátt fyr­ir and­stöðu stjórn­ar­and­stöðunn­ar.
• Axel Jó­hann Ax­els­son: Lands­bank­ann til al­menn­ings
• Bárður Örn Bárðar­son: Byrj­um bullið á nýj­an leik
• Hauk­ur Bauk­ur: Upp­reisn æru?
• S i g u r ð u r S i g u r ð a r s o n: Get­ur ráðherr­anm full­yrt að nýju eig­end­urn­ir verði betri
• Krist­in stjórn­mála­sam­tök: Lausn eða svika­sátt?