Féll fram af svölum í annarlegu ástandi

Karlmaður á fimmtugsaldri var fluttur á slysadeild eftir að hafa fallið 2-3 metra af svölum íbúðarhúss í Reykjavík í nótt. Maðurinn var í annarlegu ástandi en hann er ekki búsettur þar sem óhappið varð að sögn lögreglunnar á höfuðborgarsvæðinu.

Karlmaður á sextugsaldri var sömuleiðis fluttur á slysadeild í nótt en sá hafði dottið í miðborginni og fengið skurð á ennið. Maðurinn var ölvaður.

Þá rotaðist tæplega tvítugur piltur á íþróttaæfingu á höfuðborgarsvæðinu í gærkvöldi en hann var kominn til meðvitundar þegar sjúkraflutningamenn komu á vettvang.

Í gærmorgun slasaðist svo drengur á hendi í Reykjavík en hann klemmdist á heimili sínu og þurfti að sauma nokkur spor vegna þessa.

• 1 blogg um fréttina

Bloggað um fréttina

• Auðun Gíslason: Svalir í annarlegu ástandi?