Indriði H. Þorláksson, aðstoðarmaður fjármálaráðherra, sagði í fréttum Bylgjunnar að niðurstaðan, sem fengin er í Icesave-málinu, feli ekki í sér auknar byrðar á herðar Íslendinga. Nú er að hefjast ríkisstjórnarfundur um málið í Stjórnarráðinu.

Haft var m.a. eftir Indriða að alltaf hafi legið fyrir, að ekki yrði hætt að borga af Icesave-skuldbindingunum árið 2024, standi þá eitthvað útaf, heldur hefði verið gert ráð fyrir að teknar yrðu upp viðræður.

Fram kom í frétt mbl.is í gærkvöldi, að íslensk stjórnvöld hefðu fallist á að ekki verði hætt að greiða af Icesave-skuldabréfunum árið 2024 eins og fyrirvarar Alþingis gerðu ráð fyrir, heldur verði upphæðin greidd að fullu. Greiðslur eftir 2024 muni miðast við 6% af hagvexti líkt og fram til 2024 og vextir verða óbreyttir.

Ráðherrar voru fámálir þegar þeir komu á ríkisstjórnarfundinn í dag. Gert er ráð fyrir því að niðurstaðan í samningunum við Breta og Hollendinga verði kynnt fyrir þingflokkum eftir hádegið og fyrir fjárlaganefnd Alþingis klukkan 14. Þá er gert ráð fyrir blaðamannafundi klukkan 16.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir

• 3 blogg um fréttina

Bloggað um fréttina

• Axel Pétur Axelsson: Má ekki kosta ríkissjóð neitt
• S i g u r ð u r S i g u r ð a r s o n: Bakherbergin og lýðræðisástin
• Halldór Halldórsson: Lygamörður!