Engin tilboð borist í West Ham

Ekkert kauptilboð hefur borist í enska knattspyrnufélagið West Ham síðan íslenska eignarhaldsfélagið CB Holding tók það yfir, eftir að Björgólfur Guðmundsson missti það vegna skulda fyrr á árinu.

Georg Andersen, upplýsingafulltrúi eignarhaldsfélagsins, vill ekki tjá sig um nýjustu vangavelturnar - huganlegt tilboð fjölþjóðlegs hóps fjárfesta í West Ham. „Þetta eru vangaveltur sem hafa verið meira og minna síðan við komum að félaginu. Okkur hafa fengin formleg tilboð borist í félagið og það er ekki formlega í söluferli,“  sagði Georg við fréttavef Morgunblaðsins.

Fram kom í enska dagblaðinu News of the World í dag að fjölþjóðlegur hópur fjárfesta hyggist gera tilboð í West Ham. Blaðið segir forsprakka hópsins, Jim Bowe, kaupsýslumann í New York, staðfesta það.

Að sögn blaðsins hyggst hópurinn bjóða 100 milljónir punda í félagið.

West Ham hefur byrjað illa í ensku úrvalsdeildinni og er nú í næst neðsta sæti.

• 1 blogg um fréttina

Bloggað um fréttina

• Axel Jóhann Hallgrímsson: Ég býð 1 krónu