Stjórnarandstaðan frædd um Icesave

Forsvarsmenn stjórnarandstöðuflokkanna þriggja komu í Stjórnarráðið nú á fjórða tímanum en þeir voru boðaðir á fund með oddvitum stjórnarflokkanna til að fá upplýsingar um það samkomulag, sem náðst hefur við Breta og Hollendinga um uppgjör Icesave skuldbindinga.

Bjarni Benediktsson, formaður Sjálfstæðisflokks, Birgitta Jónsdóttir, þingmaður Hreyfingarinnar og Sigmundur Davíð Gunnlaugsson komu á fundinn nú síðdegis.

Búið er að fjalla um málið í ríkisstjórn, þingflokkum stjórnarflokkanna og fjárlaganefnd Alþingis í dag.