Sagði framkomu Steingríms hneyksli

Birgir Ármannsson, þingmaður Sjálfstæðisflokksins, var harðorður í garð Steingríms J. Sigfússonar fjármálaráðherra á Alþingi fyrir stundu og sakaði hann um hneysklanlega framkomu í garð Tryggva Þórs Herbertssonar.

Steingrímur var að svara fyrirspurn frá Tryggva Þór um Icesave-málið þegar Tryggvi Þór kallaði úr salnum: „þið eigið ekki að lyppast niður.“ Svaraði Steingrímur þá: „Já, þú ættir nú að þekkja það Tryggvi. Þú ert nú hár í loftinu.“

Ragnheiður Ríkharðsdóttir, varaforseti Alþingis, svaraði athugasemd Birgis við fundarstjórn hennar með því að biðja þingmenn um að gæta hófs í málflutningi sínum.

Birgir gerði einnig athugasemd við að stjórnvöld hefðu í dag skrifað undir nýtt Icesave-samkomulag og það bryti í bága við lög, sem sett voru um ríkisábyrgð vegna Icesave-skuldindinganna frá því í ágústlok.

Ragnheiður sagði að samkomulagið hefði verið undirritað með fyrirvara um samþykki Alþingis. Til standi að frumvarp um málið komi til kasta Alþingis þar sem það fái þinglega meðferð.

• 10 blogg um fréttina

Bloggað um fréttina

• Jón Snæbjörnsson: Sama hvað þú heitir eða hvaðan þú kemur........
• Benedikta E: SteingrímurJ. "fjármálaráðherra" missti sig og fór á límingunni í ræðustól …
• Bjarni Harðarson: Dýrmætur skandall
• Magnús Helgi Björgvinsson: Birgir ætti nú kannski að horfa á heildarmyndina ef hann …
• Finnur Bárðarson: Stórleikarinn hneykslaður
• Friðrik Dagur Arnarson: Hár í loftinu
• Heimir Lárusson Fjeldsted: Hver er æskileg líkamshæð þingmanna að mati Steingríms J.?
• Jakobína Ingunn Ólafsdóttir: Sjálfstæðismenn hafa niðurlægt þjóðina
• Vilhjálmur C Bjarnason: Nú er nóg komið.....
• Jón Ingi Cæsarsson: Fíflagangurinn á Alþingi keyrir um þverbak.