Ungir jafnaðarmenn harma ákvörðun ráðherra

Ungir jafnaðarmenn harma ákvörðun dómsmálaráðherra að senda fjóra hælisleitendur aftur til Grikklands. Í tilkynningu frá þeim kemur fram að meðal þeirra sé maður sem verið hefur undir læknishendi vegna mikils andlegs álags og drengur fæddur árið 1990.

Samkvæmt Dyflinnar-reglugerðinni er íslenskum stjórnvöldum heimilt að senda hælisleitendur til þeirra ríkja sem þeir koma fyrst til, í þessum tilfellum Grikklands. „Hins vegar er ekkert sem segir að þau verði að gera svo heldur geta stjórnvöld tekið málin fyrir efnislega hér á landi,“ segir í tilkynningu ungra jafnaðarmanna.

Benda þeir jafnframt á að lögmaður þriggja mannanna hafði gert alvarlegar athugasemdir við afgreiðslu dómsmálaráðuneytisins á málum mannanna. Hann hafi þegar lagt drög að málsókn fyrir íslenskum dómstólum. „Ætla íslensk stjórnvöld að meina þessum mönnum um þann grundvallarrétt sem aðgengi að dómstólum er?“

• 1 blogg um fréttina

Bloggað um fréttina

• Jakob Falur Kristinsson: Sendir úr landi