ESA fengið 13 kærur til sín eftir hrun bankanna

Eftirlitsstofnun EFTA, ESA, hefur frá því að bankarnir hrundu fyrir ári fengið til sín 13 kærur, þar af 11 sem tengja má íslensku bönkunum beint vegna meintra brota á reglum um innri fjármálamarkað í Evrópu.

Beinast kærurnar í flestum tilvikum gegn stjórnvöldum eða stofnunum á vegum þeirra. Koma kærurnar oftast nær frá bönkum eða öðrum fjármálafyrirtækjum í Evrópu, en einnig frá hópi sparifjáreigenda sem töpuðu á Icesave-reikningunum í Hollandi. Athugun málanna verður líklega sameinuð að sögn upplýsingafulltrúa ESA.