Flosi Ólafsson töluvert slasaður eftir umferðarslys
Setja bókamerki
Flosi Ólafsson, leikari, rithöfundur, þýðandi og lífskúnstner með meiru lenti í alvarlegu bílslysi í grennd við Borgarfjarðarbrú síðdegis í gær. Hann var fluttur á gjörgæslu Landsspítalans, en til stendur að hann verði fluttur á almenna deild síðar í dag.
Að sögn Ólafs, sonar Flosa, voru tildrög slyssins þau að Flosi var á leið úr Reykjavík til heimilis síns og Lilju Margeirsdóttur, eiginkonu sinnar og móður Ólafs að Bergi í Reykholtsdal, þegar stór trukkur tók fram úr Flosa til móts við mótelið Venus, sem er nokkru sunnan við Borgarfjarðarbrúnna. Við þennan framúrakstur missti Flosi stjórn á bíl sínum sem fór þrjár veltur áður en hann stöðvaðist.
„Pabbi er töluvert slasaður, en ekki í lífshættu, sem betur fer. En þrátt fyrir þetta alvarlega slys, virðist þó hafa farið betur en sýndist við fyrstu sýn, því aðkoman á slysstað er sögð hafa verið hrikaleg,“ sagði Ólafur. Ólafur segir að samkvæmt læknum á Landspítalanum sé um það rætt að hann fari af gjörgæslu síðar í dag.
Samfylking og Viðreisn gáfu loforð
Þetta eru ráðherrar ríkisstjórnarinnar
„Börn heima sem maður myndi vilja hafa í skjóli“
Var engin kristnitaka árið 1000?
Alvarleg netárás á Wise
Fyrsti blaðamannafundurinn í heild sinni
Barn lést í árásinni
