„Tónninn orðinn harðari“

Hættan á að stöðugleikasáttmálinn slitni og Samtök atvinnulífsins segi einhliða kjarasamninga lausa um mánaðamótin vex dag frá degi. Viðræður í Karphúsinu hafa litlum árangri skilað.

„Tónninn í atvinnurekendum hefur verið að harðna undanfarna daga í úrræðaleysi og viðbragðsleysi stjórnvalda. Það getur alveg leitt til þess að í sundur slitni á milli okkar,“ segir Gylfi Arnbjörnsson, forseti ASÍ.

Fimm dagar eru til stefnu því ákveða þarf fyrir miðnætti næstkomandi þriðjudag hvort samningar á almenna vinnumarkaðinum verða framlengdir.

Forsvarsmenn ASÍ og SA sögðu þó báðir í gær mjög jákvætt að framkvæmdastjórn Alþjóðagjaldeyrissjóðsins ætlaði að taka endurskoðun á efnahagsáætlun Íslands fyrir í næstu viku.

Nánar er fjallað um þetta mál í Morgunblaðinu í dag.