Flogið eftir slösuðum sjómanni

Þyrla Landhelgisgæslunnar er nú að hífa slasaðan sjómann um borð, úr íslensku fiskiskipi, um sextíu sjómílur vestur af Bjargtöngum.

Tilkynning kom til Gæslunnar á níunda tímanum í kvöld um að áhafnarmeðlimur hefði fótbrotnað og var eftir það metið hvort nauðsynlegt væri að senda þyrluna eftir honum. Um fjörutíu mínútum síðar var þyrlan kölluð út og er sem fyrr segir nú að hífa manninn úr skipinu.

Ekki er talið að hann sé alvarlega slasaður, en ekki er hægt að greina nánar frá tildrögum slyssins að svo búnu.

• 1 blogg um fréttina

Bloggað um fréttina

• Jakobína Ingunn Ólafsdóttir: Ekki sama hver brotnar