Ísland á dagskrá AGS

Fyrsta endurskoðun á efnahagsáætlun Íslands verður á dagskrá framkvæmdastjórnar Alþjóðagjaldeyrissjóðsins á miðvikudag líkt og íslensk stjórnvöld tilkynntu í síðustu viku.

Fram kemur á vef Alþjóðagjaldeyrissjóðsins, þar sem dagskrá framkvæmdastjórnarinnar verður birt, að 28. október fari fram fyrsta endurskoðuninn samkvæmt samkomulagi og ósk um framlengingu áætlunarinnar. 

Íslensk stjórnvöld sögðust í síðustu viku telja víst, að  framkvæmastjórn sjóðsins muni samþykkja endurskoðun áætlunarinnar á fundi sínum. Í kjölfarið muni Ísland fá aðgang að öðrum hluta af lánafyrirgreiðslu AGS upp á 105 miljónir SDR eða 168 milljónir Bandaríkjadala, 20,6 milljarða króna.

Þá opni einnig aðgangur að fyrsta fjórðungi 2,7 milljarða dala lánafyrirgreiðslu Norðurlandanna og Póllands, eða að 675 milljónum dala.

• 2 blogg um fréttina

Bloggað um fréttina

• Björgvin Guðmundsson: Ísland á dagskrá AGS á miðvikudag
• Haraldur Eyvinds Þrastarson: Ísland á dagskrá AGS