Þriðjungur ökumanna ók of hratt

Lögreglan á höfuðborgarsvæðinu myndaði brot 76 ökumanna á Barónsstíg í Reykjavík í gær. Fylgst var með ökutækjum sem var ekið í norðurátt, að Egilsgötu. Á klukkutíma, eftir hádegi, fóru 197 ökutæki þessa akstursleið. Yfir þriðjungur ökumanna, eða 39%, ók því of hratt eða yfir afskiptahraða.

Meðalhraði hinna brotlegu var tæplega 44 km/klst en þarna er 30 km hámarkshraði. Sjö óku á 50 km hraða eða meira en sá sem hraðast ók mældist á 59. 

Vöktun lögreglunnar á Barónsstíg, en við götuna er Austurbæjarskóli, er liður í umferðareftirliti hennar við grunnskóla á höfuðborgarsvæðinu.

• 2 blogg um fréttina

Bloggað um fréttina

• Haraldur Haraldsson: Þriðjungur ökumanna ók of hratt/þetta vill brenna við!!!!!!!
• Ómar Ragnarsson: Þurfum naflaskoðun í þessu og fleiru.