Beðið um að kunnáttumaður komi í Héraðsdóminn

„Það sem skiptir máli er hvernig að skýrslutökunni er staðið, en ekki hvar hún fer fram,“ segir Helgi I. Jónsson, dómstjóri í Héraðsdómi Reykjavíkur, spurður um gagnrýni sem fram kom hjá Braga Guðbrandssyni, forstjóra Barnaverndarstofu, í frétt í blaðinu í gær.

Bragi segir í viðtalinu að það sé sitt mat að útilokað hefði verið að ná fram þeim upplýsingum frá barninu sem komu fram í gegnum tjáningu þess án þess að fyrir hendi hefði verið kunnátta og leikni þeirra sérfræðinga sem starfa í Barnahúsi og hins vegar aðstæður og umhverfi sem þar er. Þessi niðurstaða hefði aldrei náðst í dómhúsi þó svo að þar sé séraðstaða.

Helgi segir að í dómsniðurstöðu Héraðsdóms Reykjaness í þessu tiltekna máli sé stuðst við ýmislegt annað en það sem fram kom við yfirheyrsluna í Barnahúsi.

Nánar um þetta mál í Morgunblaðinu í dag.