Tugir ráðnir án auglýsinga
Setja bókamerki
Alls hafa 42 verið ráðnir til starfa í ráðuneytum stjórnarráðsins frá áramótum án þess að viðkomandi störf hafi verið auglýst. Flestir, eða 10, hafa verið ráðnir með þessum hætti í fjármálaráðuneytinu.
Þetta kemur fram í svari forsætisráðherra við fyrirspurn Birkis Jóns Jónssonar, alþingismanns. Fimm hafa verið ráðnir í forsætisráðuneyti, dómsmálaráðuneyti og félagsmálaráðuneyti, fjórir í iðnaðarráðuneyti, menntamálaráðuneyti og samgönguráðuneyti, tveir í sjávarútvegsráðuneyti og utanríkisráðuneyti, 1 í viðskiptaráðuneyti en enginn í heilbrigðisráðuneyti og umhverfisráðuneyti.
Í svarinu er vísað til þess að í reglum um auglýsingar á lausum störfum séu tilteknar heimildir til að ráða starfsmenn tímabundið í þjónustu ríkisins án auglýsingar, m.a. vegna afleysinga.
Biður fólk um að vera ekki á ferðinni
Ríkisstjórn Scholz sprungin
„Það var ekki dæmt löglegt að mismuna börnum“
Biden ávarpar Bandaríkjamenn eftir sigur Trumps
Evrópuumræðu laumað á dagskrá
Tekur ekki undir orð Ragnars Þórs og Ásthildar Lóu
Kröfugerðin skýr en upphæðin ekki