Samþykkt að sameina átta prestaköll
Setja bókamerki
Á kirkjuþingi 2009, sem lauk í gær, voru samþykktar átta sameiningar prestakalla, sameiningar fimm prófastsdæma í tvö og tilfærslur þriggja prestakalla milli prófastsdæma.
Samþykktir um sameiningu prestakalla taka gildi 30. nóvember en aðeins tvær koma til framkvæmda þá þar sem sóknarprestar í öðru þeirra prestakalla er sameinast eiga hafa látið af störfum, samkvæmt tilkynningu.
Sóknarprestur í Hraungerðisprestakalli verður sóknarprestur á Selfossi
Hraungerðisprestakall og Selfossprestakall í Árnesprófastsdæmi sameinast. Heiti hins sameinaða prestakalls verður Selfossprestakall.
Samþykktin felur í sér að sóknarprestur Hraungerðisprestakalls verður sóknarprestur á Selfossi. Í ljósi stærðar prestakallsins og þjónustuþunga verður einnig auglýst staða prests í prestakallið.
Ólafsvíkurprestakall og Ingjaldshólsprestakall í Snæfellsness- og Dalaprófastsdæmi sameinast. Heiti hins sameinaða prestakalls verði Ólafsvíkur- og Ingjaldshólsprestakall. Prestssetur verður í Ólafsvík. Þar sem sóknarprestur í Ólafsvík er að láta af störfum þar verður sóknarprestur Ingjaldshólsprestakall sóknarprestur hins sameinaða prestakalls.
Húnavatns-og Skagafjarðarprófastsdæmi sameinist. Heiti hins sameinaða prófastsdæmis verði Húnavatns- og Skagafjarðarprófastsdæmi.
Skaftafells-, Rangárvalla- og Árnessprófastsdæmi sameinist. Heiti hins nýja prófastsdæmis verði Suðurprófastsdæmi.
Samþykkt var að Vestmannaeyjaprestakall í Kjalarnessprófastsdæmi tilheyri hinu nýja Suðurprófastsdæmi. Siglufjarðarprestakall í Skagafjarðarprófastsdæmi tilheyri Eyjafjarðarprófastsdæmi og Hólmavíkurprestakall í Húnavatnsprófastsdæmi tilheyri Vestfjarðarprófastsdæmi.
Í Rangárvallaprófastsdæmi var samþykkt að bæirnir Ártún, Bakkakot 1 og 2, Ármót, Fróðholt og Uxahryggur 1 og 2 sem tilheyra Oddasókn tilheyri Akureyjarsókn. Breyting þessi tekur gildi frá 30. nóvember næstkomandi.
Sameiningar prestakalla sem koma til framkvæmda við starfslok presta eru eftirfarandi:
Skaftafellsprófastsdæmi: Kálfafellsstaðarprestakall sameinist Bjarnanesprestakalli. Heiti hins sameinaða prestakalls verði Bjarnanesprestakall. Prestssetur verði á Höfn.
Samþykkt var ákvæði til bráðabirgða gerir biskupi Íslands heimilt að ráða héraðsprest í allt að 50% starf er hafi sérstakar skyldur við Bjarnanesprestakall.
Rangárvallaprófastsdæmi: Holtsprestakall sameinist Víkurprestakalli og Breiðabólstaðarprestakalli. Ásólfsskála-, Eyvindarhóla- og Stóra- Dalssóknir tilheyri Víkurprestakalli, Skaftafellsprófastsdæmi. Akureyjar- og Krosssóknir tilheyri Breiðabólsstaðarprestakalli, Rangárvallaprófastsdæmi. Þessi tvö prófastsdæmi munu verða hluti hins nýja Suðurprófastsdæmis.
Árnessprófastsdæmi: Mosfellsprestakall og Skálholtsprestakall sameinist. Heiti hins sameinaða prestakalls verði Skálholtsprestakall. Prestssetur verði í Skálholti.
Stóra-Núpsprestakall og Hrunaprestakall sameinist. Heiti hins sameinaða prestakalls verði Hrunaprestakall. Prestssetur verði að Hruna.
Vestfjarðaprófastsdæmi: Staðarprestakall og Þingeyrarprestakall, sameinist. Heiti hins sameinaða prestakalls verði Þingeyrarprestakall. Prestssetur verði á Þingeyri.
Súðavíkur,- Vatnsfjarðar- og Ögursóknir tilheyri Holtsprestakalli.
Eyjafjarðarprófastsdæmi: Hríseyjarprestakall og Möðruvallaprestakall sameinist. Heiti hins sameinaða prestakalls verði Möðruvallaprestakall. Prestssetur verði að Möðruvöllum í Hörgárdal.
Vetrarblæðinga vart í Öxnadal
Biður fólk um að vera ekki á ferðinni
„Áhugavert að sjá skjálfta þarna“
Fordæma árásir á ísraelska áhangendur
„Það var ekki dæmt löglegt að mismuna börnum“
Fimm á sjúkrahús og 62 handteknir í Amsterdam
Deiliskipulag úr gildi
Ekkert ferðaveður á Vestfjörðum og á Norðurlandi