Árangursríkt eftirlit með þyrlu

Lögreglan á Húsavík hafði afskipti af þremur rjúpnaskyttum á Öxarfjarðarheiði í gær. Þeir voru með ólögleg skotvopn eða án réttinda.

Lögreglumaður var í eftirlitsferð með þyrlu Landhelgisgæslunnar um vinsælt skotveiðisvæði á Öxarfjarðarheiði og nágrenni um miðjan dag. Lagt var hald á byssur mannanna og hafin rannsókn á málunum. 

Kvartað hefur verið undan akstri utan vega á þessu svæði. Það var kannað sérstaklega en ekki urðu lögreglumenn varir við neitt af því taginu.

Lögreglumaður á Húsavík segir að eftirlit með þyrlu sé afar árangursríkt á svæðum þar sem erfitt er að komast um og hafa yfirsýn yfir og vonast til að framhald verði á því.

• 1 blogg um fréttina

Bloggað um fréttina

• Haraldur Bjarnason: Þeir rjúpnaskytturnar