Skessan býður til hátíðar

Skessan í hellinum býður til hátíðar sem við hana er kennd í Reykjanesbæ um helgina. Hún er alltaf glöð að fá börn í heimsókn í hellinn. Boðið er upp á fjölda dagskráratriða og eru börnin í forgangi.

Góð þátttaka var í Skessudeginum í gær. Alls tóku yfir 100 börn þátt í sjóræningjaleik í Vatnaveröld. Einnig var fjöldi gesta í innileikjagarðinum og á sögustund í bókasafninu þar sem lesið var úr sögu um hann Einar Áskel.

Skemmtunin heldur áfram í dag með því að opið verður á flestum sömu stöðunum auk þess sem boðið er upp á popp í Keflavíkurkirkju, einstaka hátíð Hjálpræðishersins á Ásbrú, innipútt og upprifjun á gömlu leikjunum í íþróttamiðstöð Akurskóla.

Upplýsingar um dagskrána má finna á skessan.is

Fjóla vinkona Skessunnar heimsótti hana í hellinn ásamt fjölda barna. mbl.is/Dagný

• 1 blogg um fréttina

Bloggað um fréttina

• Jakob Falur Kristinsson: Hátíð