Þingflokkur VG fundar
Setja bókamerki
Þingflokkur Vinstri grænna kom saman á fundi nú á sjötta tímanum. Gera má ráð fyrir að fyrirhugaðar breytingar á skattkerfinu auk þess sem Icesave-málið verði á dagskrá þingmannanna.
Fram hefur komið að nefndarmenn Samfylkingarinnar í efnahags- og skattanefnd Alþingis hafi samþykkt ríkisábyrgð á Icesave-reikningunum en fulltrúar Vinstrihreyfingarinnar – græns framboðs séu á móti og skili því sérnefndaráliti til fjárlaganefndar, en frestur til þess rennur út í kvöld.
Álit efnahags- og skattanefndar verða því þrjú alls, því stjórnarandstaðan hyggst skila sameiginlegu áliti. Fram kemur á vef Ríkisútvarpsins að stefnt sé að því að afgreiða Icesave málið út úr fjárlaganefnd annað kvöld.
Þá hefur ekki náðst endanleg niðurstaða í umræðum um skattatillögur ríkisstjórnarinnar.
Óformlegt eftirlit vegna hryðjuverka
Vetrarblæðinga vart í Öxnadal
„Það var ekki dæmt löglegt að mismuna börnum“
Óvíst um lögfestingu kílómetragjaldsins
Deiliskipulag úr gildi
Selenskí: N-Kórea heyir stríð í Evrópu
Kröfugerðin skýr en upphæðin ekki
Með réttarstöðu sakbornings við rannsókn banaslyss